Metallar mavzusi bo'yicha tajribaviy masalalar

Bu tajribada to‘rtta modda — aluminiy sulfat, natriy gidroksid, kalsiy karbonat va temir(III)-xlorid — kimyoviy reaksiyalar yordamida aniqlanadi. Darslikdagi 3-amaliy ishning birinchi topshirig‘i ham aynan shu to‘rtta moddani tajriba yo‘li bilan farqlashga qaratilgan. Videoda avval temir(III)-xlorid tayyorlanadi, so‘ng aluminiy sulfatga natriy gidroksid qo‘shilib oq cho‘kma hosil qilinadi. Natriy gidroksid fenolftalein yordamida, kalsiy karbonat esa xlorid kislota ta’sirida gaz ajralishi orqali aniqlanadi. Oxirida temir(III)-xloridga natriy gidroksid qo‘shilib cho‘kma hosil bo‘lishi kuzatiladi va aluminiy gidroksidning ortiqcha ishqorda erishi orqali uning amfoter xossasi ko‘rsatiladi.